KLEI MRÂO MRANG

Thứ Hai, 28 tháng 10, 2019

TÌNH HÌNH ANH Y JON AYUN TỴ NẠN THAILAND TẠM THỜI ĐƯỢC BÌNH PHỤC NHƯNG VẪN PHẢI THEO DÕI

TÌNH HÌNH ANH Y JON AYUN TỴ NẠN THAILAND TẠM THỜI ĐƯỢC BÌNH PHỤC NHƯNG VẪN PHẢI THEO DÕI

Anh Y Quynh Bdap cho biết, anh là đã trực tiếp và cùng 1 người nữa được giấu tên cùng đưa anh Y Jon Ayun vào bệnh viện. Anh Y Jon cùng gia đình gửi lời cảm ơn tất cả quý vị và anh chị em đã giúp đỡ anh vì sự kêu gọi từ Montagnards Stand For Justice vận động cho các bạn hữu cộng đồng ở Hoa Kỳ và các nhà thờ đã khuyên góp tiện viện phí cho anh Y Jon Ayun. Và số tiền cũng đã gửi tận tay cho gia đình anh Y Jon.

Anh Y Quynh Bdap và Anh Y Jon Ayun

Và anh Y Quynh cũng cảm ơn tất cả mọi người vì đã góp một bàn tay giúp đỡ gia đình anh Y Jon. Anh và gia đình anh Y Jon không biết nói gì hơn ngoài lời cảm ơn và chúc tất cả quý vị đầy ơn phước của Chúa.

• Hoàn cảnh của anh Y Jon Ayun phải sang Thailand.

Vào tháng 11-2018 anh Y Jon Ayun đã vượt biên từ Việt Nam sang Thái Lan, bởi vì lý do họat động đấu tranh đòi hỏi quyền tự do tôn giáo Tin Lành Đấng Christ Việt Nam ở Tây Nguyên, anh Y Jon không ngừng bị nhà cầm quyền và công an Tỉnh Dak Lak đàn áp bắt bớ, bằng nhiều hình thức khác nhau như mời đến trụ sở công an điều tra thẩm vấn, đánh đập tra tấn, nhịn đói, giam giữ nhiều lần, và công an theo dõi cuộc sống sinh hoạt của anh, công an bắt ép anh phải từ bỏ đạo và Thiên Chúa của mình.
Từ sự việc công an đánh đập anh cho đến hiện tại sức khỏe của anh không được bình thường, anh bị đau ngực, tim và khó thở .
Anh không có giấy tùy thân nhập cư vào Thái Lan và quá trình đăng ký xin Tị Nạn của gia đình anh cũng gần một năm mà chưa được UNHCR cấp giấy thẻ Card, bản thân anh không có việc làm để nuôi gia đình vợ con để sống qua ngày, con của anh gồm tất cả 7 người, và hai đứa con đang bơ vơ ở Việt Nam, vì trong thời gian anh chạy trốn một cách cấp bách nên không thể đem hết số người con của anh đi theo .
Anh hiện giờ đang gặp phải tình trạng sức khỏe bị bệnh nặng, anh nhập Viện từ ngày 25-10-2019, do căn bệnh bị đau ngực, tim và khó thở và anh không những căn bệnh đau ngực, tim và khó thở mà anh còn bị thêm bệnh sốt xuất huyết cao do điều kiện khó khăn và không có giấy tờ để khám và điều trị, anh bị đau ngực từ Việt Nam do ảnh hưởng bị công an đánh, sau khi qua Thái Lan anh bị đau thêm tim và khó thở hiện giờ anh bị nhiễm thêm bệnh sốt xuất huyết cao và nguy cấp cần phải điều trị nằm viện theo yêu cầu của Bác Sĩ .
Gia đình rất lo lắng vì không có tiền để thanh toán chi phí của bệnh viện, anh biết rằng nếu không có tiền thánh toán chi phí dịch vụ của bệnh viện, và anh không có giấy tờ hợp pháp nhập cư để nhập viện điều trị chắc chắn sẽ bị cảnh sát Thái Lan sẽ làm việc và sẽ bắt đưa anh vào trại tù IDC.

Gia đình anh Y Jon rất cảm ơn tất cả mọi người đã giúp đỡ gia đình, và cầu Chúa ban phước trên tất cả quý vị đã giúp đỡ.

#TNTNNEWS

Thứ Sáu, 11 tháng 10, 2019

KLEI YĂL DLIÊ KƠ Y ĐÊ HŎNG Y GA

C̆AR ĐÊ-GA

Klei yăl dliê kơ djuê Ana Đê-ga đĭ hriê ti Ala Dap Kngư. Anei dơ̆ng mơ̆ng thŭn đưm đă lă êlâo, leh Aê Diê bi joh Êñan Ba-Bel bi lŭk klei blŭ mnuih, dua ayŏng adei di ñu Y-Đê hong Y-Ga đĭ hriê dôk ti C̆ar drei Ala Dap Kngư, Hlăk anăn ka mâo mnuih ôh êlâo kơ diñu truh ti anăn diñu bi anăn jing C̆ar ĐÊ-GA c̆iăng đăm lŏ mâo pô plah guê mmiă mă sua ôh, diñu bi c̆ua knông lăn tĭng Dưr sô̆ kdriêl lăn phung LIN-YI, drei iêu KHÊC̆ (Chaines). Ênuk anăn mâo klei bi c̆hĭ mơnia mbĭt, tĭng kơ Yŭ sô̆ hŏng C̆ar Lao, tĭng Dhŭng Yŭ sô̆ hŏng lăn Kur tuê hang Krông Mê-kông hlŏng truh ti Êa Ksĭ anăn yơh jing lăn ĐÊGA. Ênuk anăn hlŏng truh kơ phung anak c̆ô diñu đĭ hriê kơ lu lar kơ êngŭm. Ênuk anăn C̆ar ĐÊGA ăt tuôm mâo Mtao mơh. Gưl anăn Y-Tlua ngă Mtao tal êlao ti Ala Dap Kngư. ĐÊGA mâo mtao hlŏng truh kơ phung Djuê Ana C̆am trŭn hriê dôk anăn brei diñu dôk tuê hang Êa Ksĭ Êa Trang, hlŏng truh ti Dhŭng mơh, ênŭk anăn Mtao Mơ-Pưng-Rưng ngă Mtao, hlŏng kơ ênuk Y-Mrưm ngă Khua hlăm thŭn 1420.

Khua Kahan Đê-Ga ênŭk Prăng

Truh ti thŭn 1471 C̆am mâo klei bi blah hŏng Yuăn, gưl Mtao Le Thanh Tong jing mtao Yuăn, Le Thanh Tong mâo klei bi blah hŏng C̆am ti Ƀuôn Ala Mtao C̆am NAGARA CAMPA jing Ƀuôn Ala Mtao C̆am, klei bi blah prŏng sui thŭn anăn Yuăn hŏng C̆am hlŏng truh ti thŭn 1832 ênŭk Mtao Minh Mang Yuan bi jih rai C̆am. Bi anak ĐÊGA ăt dôk
mâo klei êngie êđăp ênang, amâo mâo klei bi blah ngă mneh msao ôh. C̆ar ĐÊ-GA hŏng Yuăn knŏng hŏng klei bi mjĕ êrô c̆hĭ mania tui si klei bi mkra leh ti thŭn 1471 ênŭk Mtao Y-Mrưm hŏng Le Thanh Tong. Yuăn diñu blah hŏng C̆am ƀuh dưi ôh. Ƀiădah kyua Yuăn mâo mnêc̆ yua klei mplư hŏng Mniê Yuăn, snăn c̆ar C̆am rai luc̆ kyua lĕ hĕ klei mplư kơ mniê êra Yuăn. Gưl năm Y Mrưm huĭ luc̆ C̆ar Đêga snăn tui nao mblah Yuăn đru C̆am, ƀiădah amâo dưi blah phung Yuăn, Yuăn kăn dưi blah Đêga. Snăn C̆am knŏng dôk mbĭt hŏng mnuih Đêga knŏng klei bi c̆hĭ mania, hdĭp ti gŭ klei kriê Đêga kyua Đêga dưi mblah. Mmông năn Yuăn mâo klei bi mtuôm hŏng Y Mrưm, snăn Le Thanh Tong mâo klei bi ƀuăn hŏng Mtao ĐÊ-GA Y Mrưm, mnuih ĐêGa kơyua diñu dưi leh hŏng C̆am. Sơnăn lăn C̆am ăt lăn C̆ar ĐÊGA mơh anăn Yuăn mâo klei bhiăn hŏng Mnuih ĐÊGA hlŏng truh ênŭk Mtao Bao Đai.

Klei Đêga mâo klei rŭng răng hŏg Yuăn ênŭk Ngo Dinh Diem hlăm thŭn lơ 11 mlan 3 thŭn 1955, mơ̆ng phŭn kc̆ưm hlŏng truh kơ ênŭk ară anei.

Klei Yăl: Y Suan Ƀuôn K rông

Thứ Năm, 10 tháng 10, 2019

SANG AÊ DIÊ ANAK ĐÊGA -INTERNATIONAL DEGA CHURCH

International Dega Church.IDC

SANG AÊ DIÊ ĐÊGA

Khua Pô Mtô Y Duen Ƀuôn Dăp mbĭt hŏng phung Sang Aê Diê Baptit Mi

The voice of the Christian Dega Montagnard People of the Central Highlands

Pastor: Y Duen Ƀuôn Dăp
P.O.Box 668843
Charlotte, NC 28266
Email:
duenbuondap@gmail.com

Thứ Tư, 9 tháng 10, 2019

HRUÊ KƠ ANAK ĐÊGA

Bi Hdơr Hruê 20 Mlan 09 Thŭn 2019.

Lăn Ala Dap Kngư Ðêga Hdĭp Hlăm Klei Êđăp Ênang Êlâo Kơ Thŭn1954.
Hmei iêu hmei pô Ðêga, French iêu kơ hmei Montagnard. Dơ̆ng mơ̆ng Aê Diê hrih adiê lăn ala, hmei mnuih Ðêga hdĭp nanao sa anôk hlăm lăn ala dap kngư mdê kdrêc hǒng Viêtnam. Djuê ana Ðêga jing mdê êpul hǒng êpul djuê ana Yuăn. Hmei hriê ti Čar Amerik c̆iăng bi truh kơ phŭn klei ciăng mâo hmei. Lŏ rŭ mdơ̆ng Knŭk-Kna Ðêga mâo leh Knŭk-Kna hlăk mlan êma lơ 27, thŭn 1946.

Ðêga Kgŭ Kdơ̆ng Kơ Klei Êngiê Khual, Mgang Pô.

Ƀuôn sang Đêga

Mlan 9 lơ 20 thŭn 2019.

Lơ 20 / 9, hruê Ðêga kgŭ kơ klei êngiê khuăl.
Hruê anei hdơr mơak hruê Ðêga drei kgŭ kơ klei êngiê khuăl.

Alum k'kuh găp mniê leh anăn êkei. Lač kơ STMP, lač jăk kơ Knŭk-Kna Amerik, lač jăk
kơ lĭng kahan Amerik. Lač jăk kơ jih jang, tŭ drông jih jang găp hdơr mơak hruê Đêga kgŭ kơ klei êngiê khuăl hruê anei. Drei truh ti čar Amerik c̆iăng bi truh kơ phŭn klei c̆iăng mâo drei. Lŏ rŭ mdơ̆ng Knŭk-Kna Đêga mâo leh Knŭk-Kna hlăk mlan êma lơ 27, 1946

Čar Đêga, juăt thâo lăn ala dap kngư.

Djuê ana Đêga kbiă hriê mơ̆ng êñan Babel. Ae Diê lac̆, diñu blŭ sa klei blŭ diñu đuê̆ nao mbit. Tlâo boh mran kbiă đuě mơ̆ng êñan Babel mbĭt, sa boh mran trun dôk ti Malaysia, sa boh mran trun dôk ti Phillippine leh anăn mran Đêga trŭn dôk ti lăn ala dap kngư. Bi anăn Buôn Prong anôk mran trŭn anăn Kam Mran.''' Snăn Yuăn lŏ bi anăn mrâo Cam Ranh, Cam Ranh anăn jing ktrŭn mran Đêga.

Dơ̆ng mơ̆ng Aê Diê hrih adiê lăn ala, drei mnuih Đêga hdĭp pla sa anôk hlăm lăn ala dap kngư mdê kdrêč hǒng Viêtnam. Djuê ana Đêga jing mdê êpul hǒng êpul Djuê ana Yuăn. Drei tŭ drông phung Prăng, Japăn leh anăn Amerik hlăm lan ala pưk sang drei. Klei khăp čiăng drei jing ƀĭng găp hŏng jih jang mnuih.

Ðêga hdĭp êđăp ênang êlâo kơ thŭn 1954.

Djuê ana Ðêga hdĭp hlăm klei êđăp ênang êlâo kơ thŭn 1954, amâo mâo phao ktuang, amâo mâo roh leh anăn kăn mâo klei bi mblah bi ngă rei. Roh drei jing ala leh anăn êmông. Biădah êmông leh anăn ala amâo mâo tuôm mdjiê djuê ana Ðêga drei ôh. Drei mnuih Ðêga thâo bi mpŭ hdơ̆ng Djuê ana Ðêga hmei. Drei nao hiu lua mnah duah c̆ĭm kan trah yao drei bi tuôm hlăm êa kmrơ̆ng drei bi mpŭ hdơ̆ng drei leh anăn thâo bi khăp sa
hdơ̆ng drei. Knǒng Yuăn yơh bi mdjiê bi rai Djuê ana Ðêga drei hlăm lăn ala čar drei pô.
Hlăm thŭn 1950, yuăn trŭn hriê hdĭp hlăm lăn čar Đêga leh anăn Yuăn hiu dlăng kluôm čar Ðêga. Yuăn ƀuh Djuê ana Ðêga hdĭp hlăm klei êđăp ênang amâo mâo phao ktuang, amao mâo roh leh anăn kăn mâo klei bi mblah bi ngă rei. Leh anăn Yuăn ba klei mblah ngă Yuăn hlăm lăn čar kmrơ̆ng dhông pưk sang Ðêga. Yuăn kčưm bi mblah bi ngă Yuăn hdơng Yuăn mă mơ̆ng thŭn 1960-1975. Hlăm klei bi mblăh anei. Tlâo êpul Yuăn, diñu bi mblah bi ngă hlăm lăn ala čar kmrơ̆ng dhông pưk sang Ðêga. Yuăn bi mblah bi ngă Yuăn hdơ̆ng Yuăn, Yuăn čǒng thơ̆ng bi mdjiê Djuê ana Ðêga hlăm lăn čar kmrơ̆ng dhông pưk sang Ðêga pô.

Hlăm thŭn 1946, dua Knŭk-Kna mkŏ mjing: Knŭk-Kna AN Nam Knŭk-Kna kơ mnuih ƀuôn sang Yuăn leh anăn Knŭk-Kna Montagnard jing Knŭk-Kna kơ mnuih ƀuôn sang Đêga.

Hlăm mlan êma lơ 27, 1946, Knŭk-Kna Đêga mâo thâo kral leh hlăk m'mông anăn mâo hră mơar yuôm siñê pô siñê anăn ñu Mr' Argenlieu pô ala kơ Knŭk-Kna Prăng hlăm Indochina. Anôk krĭng anei, anôk lăn anei Dhung Ngŏ Asia, bi anăn lăn Đêga, čar Đêga

Knông guê lăn drei tui si ti gŭ anei:

Tĭng kơ Dưr mơ̆ng knông êlan 17.

Tĭng kơ Ngŏ mơ̆ng knông êlan annamitic Ridge (Chaine Annamitique)

Tĭng kơ Dhŭng mơ̆ng knông êlan Cochin China (Khêč)

Tĭng kơ Yŭ mơ̆ng knông êlan Kur leh anăn Lao.

Bi mngăč klă, knông lăn drei mơ̆ng guê 20, amâo mâo djŏ mơ̆ng guê 17 ôh. Prăng pô treh mơ̆ng êlan 17 anăn êlâo kơ Prăng đuě wǐt thŭn 1954.

Drei bi yuôm lăn anôk anăn Aê Diê brei kơ Ðêga drei, ƀiădah Yuăn mă dôk hě.

Ðêga pla klei krŭ lơ 20 /9 thŭn 1954.

Đêga kčưm kgŭ thŭn 1955, hlăm Ƀuôn Alê A, giăm Ƀuôn Ama Thuôt. Hlăm mlan tlâo thŭn 1955, êpul tal êlâo, sa êpul hgăm bi anăn. '' Bi kdơ̆ng mtlaih êngiê Ðêga '' Čih hră mơit nao kơ khua Mil Chil Ngô Đinh Diêm hŏng mta klei čiăng mâo. Hŏng jih kluôm klei găl Đêga mđǐ kă c̆hiăm gru Đêga pô.

Hlăm thŭn 1958, Ae Khua Păn Kŏ, Y Bhăm Êñuôl, ñu mơĭt hră kơ phŭn bruă mjě mjŭk
hră anăn truh hlăm Saigon. Hlăm mlan dua-păn thŭn 1958, Aê Khua Păn Kŏ Y Bhăm Êñuôl, Pol Nur leh anăn Nay Luet mă kă čăp digơ̆ leh anăn krư̆ digơ̆ hlăm ƀăng smăng hlăm gŭ lăn hlăm Dalat krư̆ digơ̆ tlâo mlan.

Mnuih ƀuôn sang Đêga siñê hră yuôm hlăm thŭn 1958, akâo bi kbiă phung Khua êmua leh anăn mkŏ mjing êpul ngă ur krao hlăm Ƀuôn Ama Thuôt mâo 2,000 čô mnuih. Knŭk-Kna Yuăn ba hriê êdeh êdo lĭng kahan diñu mơ̆ng êpul prong 23 bi mčăh bra êpul Ðêga ngă ur krao.

Hlăm thŭn 1959, Knŭk-Kna Yuăn pŏk kbiă Ae Khua Păn kŏ Y Bham leh anăn Pol Nur mơ̆ng sang war. Leh ñu kbiă Aê Khua Păn Kŏ Y Bhăm Êñuôl lŏ mduôi bi êdah bruă ñu ngă kgŭ kdơ̆ng kơ djuê ana Ðêga snăn hŏng klei hnưm Aê Khua Păn Kŏ Y Bhăm Êñuôl, ñu lŏ mă kă dơ̆ng leh anăn ba nao ñu kơ phŭn kriê ênang Yuăn hlăm Ƀuôn Ama Thuôt, anôk anăn Yuăn čăm biêng dhiêng knua ñu mkě ñu hŏng pui điên leh anăn krư̆ ñu truh kơ thŭn 1964.

Anei jing tal dua mă kă čăp Ae Khua Păn Kŏ Y Bham Êñuôl hlăm thŭn 1959, Knŭk-Kna Yuăn krư̆ ñu hlăm Huê̆ hlăm brô 7 thŭn. Hlăm thŭn 1961, Y Bih Alêô̆ tlě kbiă đuě mơ̆ng ƀăng smăng gŭ lăn hlăm Dalat kmiêm.

Hlăm mlan 2 thŭn 1964, Knŭk-Kna Yuăn lŏ pŏk kbiă Aê Khua Păn kŏ Y Bhăm Êñuôl mơ̆ng sang war krư̆ tal dua. Hnưm ti tluôn anăn Aê Khua Păn Kŏ Y Bhăm Êñuôl ñu lŏ mduôi bruă ñu ngă kơ Djuê ana Ðêga.

Yua klei mblăh ngă thŭn 1964-1965.

Hlăm mlan 7 thŭn 1964, Đêga sa ai đrăm mbĭt ksŭng blah klei găl mgang pô leh anăn klei êngiê khuăl. Anei jing phŭn kčưm Ðêga mkŏ mjing êpul lĭng kahan mblah ngă hlăm mlan dua-păn thŭn 1964. M'mông dăp dăng klei bi blah anei drei mă dôk Ƀuôn Sar Pa, Ƀuôn Bu Prâng, Ƀuôn Ƀan Đon, Ƀuôn Mi Ga, Ƀuôn Briêng leh anăn Ƀuôn Ama Thuôt jing hruê tal êlâo mŭt mă.

Hlăm thŭn 1965, ênuk nan diñu brei Aê Khua Păn Kŏ Y Bhăm Êñuôl, ñu kbiă leh mơ̆ng sang war leh anăn ñu hlŏng čhuang nao dôk ti Čar Kur. Anôk phŭn bruă Đêga dôk hlăm Mondulkiri. Nguyên Cao Ky, pô lŏ hrô Nguyên Khanh thŭn 1965, mrâo dua thŭn ñu Nguyên Khanh đǐ mă bruă ka truh pă thŭn ôh Yuăn mlih yơh. Knŭk-Kna Yuăn mkŏ mjing knơ̆ng bruă Đêga Knŭk-Kna Yuăn čuăn mă Pol Nur jing khua gĭt gai knơ̆ng bruă
Djuê ana Ðêga.

Hlăm thŭn 1966, Aê Khua Păn Kŏ Y Bhăm Êñuôl, ñu pô dôk djă krơ̆ng kơ klei găl mgang pô. Hlăm thŭn 1968, Ae Khua Păn Kŏ Y Bham Êñuôl, ñu plăk wǐt bhieo kơ
Ƀuôn Ama Thuôt kyua Knŭk-Kna Yuăn akâo kơ klei bi blŭ mbit kơ bruă Đêga čiăng mâo, kñăm mƀlur plăk wǐt kơ Viêtnam. Klei bi tŭ-ư truh kơ mlan pluh dua thŭn 1968,
hŏng klei mƀlur lăč Đêga dưi mkŏ mjing êpul kđi čar Ðêga pô mđǐ kă chiam gru Ðêga pô.

Hlăm thŭn 1969, êbeh kơ sa êbâo 1,300 čô wăt hŏng gap djuê êbat wǐt mbit hŏng Knŭk-Kna Yuăn leh anăn lui đuě yơh mơ̆ng Mondulkiri. Knŭk-Kna Yuăn tŭ drông diñu hlăm Ƀuôn Ama Thuôt huă blăm mnăm ƀỡng leh anăn Knŭk-Kna Yuăn bi mđǐ gru mpŭ diñu.

Sơnăn Aê Khua Păn kŏ Y Bhăm Êñuôl amâo mâo wǐt hŏng diñu ôh. Dua tlâo êpul prŏng lĭng kahan Kur kuang dar phŭn bruă Ðêga hlăm Mondulkiri leh anăn mă ba Aê Khua Păn Kŏ Y Bhăm Êñuôl kơ Phnôm Pênh. Anôk dưm ñu hlăm sang dôk ti gŭ klei dưi Les Kosem leh anăn Um Savuth.

Ðưm dih djuê ana Đêga drei hdĭp hlăm klei êđăp ênang, êngiê, leh anăn iêt ênang, drei thâo bi mpŭ hdơ̆ng djuê ana drei. Drei amâo mâo khăp čiăng mâo roh ôh. Roh Ðêga drei jing êmông leh anăn ala. Leh Prăng lui đuě Viêtnam ti anăp mâo ƀuh klei bi mdjiê.

Yuăn diñu kbiă hriê mơ̆ng MongCo ''' Mongoloid ''' sa Djuê ana mơ̆ng teh kbưi plah wah China leh anăn Russia. Đưm dih Yuăn iêu diñu pô Yu-An, Yu-Nan. Ênuk prăng kiă kriê Yuăn iêu diñu pô An-Nam, Anam. Ară anei Yuăn iêu diñu pô Yuăn.

Yuăn đuě băng hdĭp klei đẫo leh anăn mkŏ mjing Knŭk-Kna Yuăn diñu hlăm dhung. Dŏ anăn Yuăn pla hgăm kñăm mă lăn čar Ðêga. Leh anăn Yuăn mplư Amerik bi guôm găm hě klei jhat diñu bi mdjiê bi rai mnuih. Yuăn akâo kơ Amerik đru diñu mblah Yuăn klin mâo anôk jhat mdưm.

Hlăm thŭn 1954 Viêtnam mâo kah mbha dua mơ̆ng knông êlan 17th, Hô Chi Minh jing khua tĭng kơ Dưr leh anăn Bao Đai jing khua ting kơ dhŭng. Hŏng ênuah bhiăn klei ruăh khua hlăm thŭn 1955, Ngô Dinh Diêm, ruăh mă jing Khua Mil C̆hil tal êlâo tĭng kơ dhŭng Viêtnam.

Ưm hnưm; hlăm thŭn 1955, Yuăn mă mgô̆ lăn ala kmrơ̆ng dhông Ðêga mjing sa kdrêč hŏng Viêtnam.

Plah wah thŭn 1954 leh anăn thŭn 1960, Hanoi leh anăn Saigon, diñu mkŏ mjing Viêt-Kŏng hlăm thŭn 1960. Yuăn kčưm klei bi mblah bi ngă Yuăn hdơ̆ng Yuăn mă mơ̆ng thŭn 1960-1975. Hlăm bi blah anei, Yuăn, diñu bi mblah Yuăn hdơ̆ng Yuăn diñu hlăm lăn ala pưk sang Ðêga. Kñăm hlăm klei bi mblah ngă anei, phŭn tal êlâo Yuăn bi guôm hgăm hĕ klei diñu čŏng thơ̆ng bi mdjiê bi rai Djuê ana Ðêga pô mnuih jing mdê Djuê ana hŏng Yuăn.
Hlăm thŭn 1956, Knŭk-Kna Yuăn kčưm dăp dăng dŭ ba mnuih ƀuôn sang Yuăn diñu hlăm lăn ala čar Đêga. Ăt msě mơh hlăm thŭn 1995, Knŭk-Kna Yuăn lŏ mbŏ mnuih ƀuôn sang diñu hlăm lăn ala čar Ðêga mbit hŏng amâo mâo djŏ ênoh mnuih ƀuôn sang Đêga ôh.

Plah wah thŭn 1960-1975, klei Yuăn bi mblah bi ngă Yuăn hdỡng Yuăn amâo mâo djŏ hlăm Hanội ôh kăn djŏ hlăm Saigon rei. Klei Yuăn bi mblah bi ngă Yuăn hdơ̆ng Yuăn ba nao hlăm lăn ala čar Đêga. Klei Yuăn bi mblah bi ngă Yuăn hdơ̆ng Yuăn amâo djŏ klei bi mblah ôh, Yuăn mnăh koh tlŏ Djuê ana Ðêga êbeh kơ dua klai čô mnuih hlăm ala čar Ðêga pô, leh anăn Yuăn mdjiê mnuih ƀuôn sang Đêga phung mniê, phung êkei leh anăn phung hđeh mnah mdjiê tui si diñu čiăng.

Ênuk Yuăn bi mblah bi ngă Yuăn hdơ̆ng Yuăn, klei jhat bi mdjiê mnuih Yuăn mdưm kơ Amerik, ƀuah Amerik, klei sĭt m'mông anăn bi mdjiê mnuih phung Yuăn.

Klei Yuăn Hanội leh anăn Saigon ƀuăn.

Yuăn mkŏ mjing bi kƀĭn phung khua êmua Đêga hlăm Plei-ku hlăm mlan pluh thŭn 1964
Phung khua êmua Đêga akâo kluôm hdră găl mkŏ mjing mđǐ kyar, yua klei juăt bhiăn Đêga msě si đưm, hlăm sang hră hriăm klei Rhadê Đêga pô, mkŏ mjing lĭng kahan Ðêga pô wăt hŏng c̆hiăm gru mbĭt năn, leh anăn jih jang mnơ̆ng mnuă dŏ dô đru mơ̆ng čar tač êngao Đêga pô kuan kriê.

Ae Khua Pă Kŏ Y Bhăm Êñuôl tui tiŏ tluôn klei blŭ hlăm klei kƀĭn anăn mta čiăng mâo hlăm hră mơĭt anăn kơ Knŭk-Kna Yuăn ăt msě mơh mơĭt kơ anôk phŭn bruă pô bi ala kơ Knŭk-Kna Amerik, Khua Mil Chil Amerik Lyndon Johnson, leh anăn mơĭt kơ Khua gĭt gai Kƀŭt Čar Hgŭm. Knŭk-Kna Yuăn tŭ-ư kơ Ðêga kuan kriê jih jang mnơ̆ng đru mơ̆ng čar tač êngao mkŏ mjing êpul lĭng kahan Ðêga wăt hŏng C̆hiăm gru.

Hlăm thŭn 1969, Knŭk-Kna Yuăn ƀuăn hră mrô '' 033 '' tŭ-ư ba wǐt lăn ala čar Đêga kơ Djuê ana Ðêga pô, mkŏ mjing êlan hdră kđi čar Ðêga pô wăt hŏng mđǐ kă c̆hiăm gru Ðêga pô.

Hlăm thŭn 1960, Hanội ƀuăn kơ Đêga tơ mâo klei êngiê Djuê ana Ðêga gĭt gai kiă kriê mă Ðêga pô.

1. Kdrăn Mtlaih Dhŭng Miên Nam Viêtnam.
2. Kdrăn Mtlaih Lăn Ala Dap Kngư Đê

Hlăm thŭn 1970, Yuăn iêu kơ Djuê ana Ðêga drei Djuê ana hriêt. Drei mnuih Ðêga amâo mâo tŭ-ư ôh Yuăn iêu kơ Ðêga drei Djuê ana hriêt. Drei hưn mthâo leh kơ Knŭk-Kna Yuăn drei amâo mâo ư ôh klei iêu anăn.

Hlăm thŭn 1971, Knŭk-Kna Yuăn mkŏ mjing phŭn bruă rŭ mdơ̆ng Djuê ana Ðêga.
Hlŏng mâo mâo ƀuh mjing ôh truh kơ hruê anei. Ơ mnuih ƀuôn sang Đêga êkei mniê, drei hriăm kơ ya klei Yuăn blŭ leh anăn dlăng klei Yuăn dôk ngă.

Hanội mdhua anăn Đêga FULRO thŭn 1975.

Hlăm thŭn 1975, lĭng kahan Hanội ( Bô Dội ) mdhua anăn Đêga FULRO, diñu mđǐ kă hla c̆hiăm gru Ðêga dua tlâo mmông. Diñu iêu mdhưr kơ phung lĭng kahan Ðêga mbĭt hŏng Yuăn Saigon kphưi phao ktuang diih ayŏng adei Ðêga, hmei jing Đêga FULRO mŭt hlăm êlam leh, leh anăn diñu čih boh hră ti djiêu mtih êdeh msei diñu. Hmei Ðêga FULRO mŭt hlăm êlam leh mtlaih Djuê ana Đêga.

Ti tluôn năn Ha Nội mă dôk Yuăn Dhŭng ''Saigon'' hlăm thŭn 1975, jih jang dŏ dô mnơ̆ng htơ̆ng Ðêga mâo mă jih mliêt ( mă hlao) Phŭn klei Êngiê drei, kđi čar, leh anăn klei đăo k'kuh mpŭ kơ Aê Diê amâo mâo lŏ djŏ hŏng klei bhiăn ôh. Klei găl drei jih tuč dôk gŭ klei bhiăn Yuăn klin. Jih jang khua Ðêga leh anăn khua pô mtô mă kă čăp leh anăn krư̆ kđăl.

Klei Ðêga êpei.

Hlăm thŭn 1986 leh anăn thŭn 1992, lĭng kahan Đêga FULRO hriê ti čar Amerik bi truh kơ phŭn klei čiăng mâo drei. Čiăng bi mâo klei dŏng đru mơ̆ng Kƀŭt Rŏng Lăn Ala, leh anăn jih jang Mnuih Rŏng Lăn Ala thâo kral kơ Ðêga mâo klei găl klei gĭt gai kiă kriê mă pô dŏ anăn yơh lŏ rŭ mdơ̆ng Knŭk-Kna Ðêga mâo leh klei thâo kral hlăm Mlan êma lơ 27 thŭn 1946.

Hlăm thŭn 2001 leh anăn thŭn 2004, mnuih ƀuôn sang Đêga kgŭ ngă klei ur krao leh anăn akâo Knŭk-Kna Yuăn ba wǐt lăn ala čar hmei kơ hmei pô hŏng êđăp ênang.

Ya dŏ drei ngă kơ lăn čar drei, Ơ phung ayŏng adei Ðêga mniê êkei, drei krơ̆ng klam mbĭt, drei hdĭp mbĭt, leh anăn drei djiê mbĭt tơdah truh klei anăn. Jăk hĭn drei djiê hŏng jing hlŭn kơ Yuăn. Drei khăp lăn čar drei, drei khăp mnuih ƀuôn sang drei, drei thâo bi khăp hdơ̆ng Djuê ana drei leh anăn hơuêñ hdơ̆ng Djuê ana drei. Drei jing sa Amǐ Ama. Drei jing sa Djuê ana Đêga. Drei jing sa lăn čar Đêga sa Djuê ana Đêga. Drei mĭn êlam kơ lăn čar drei leh anăn kơ mnuih ƀuôn sang drei.

Drei mnuih Ðêga, drei amâo mâo bi mhiă lăn Yuăn ôh. Ơ phung ayŏng adei amai adei,
Ðêga mniê êkei alŭm đăm hŭi kơ Yuăn ôh. Klei mblah Đêga anei mgang Đêga pô. Hriê bě drei bi mguôp mbĭt sa ai, sa găp Djuê khăng kjăp dŏ anăn amâo mâo pô dưi kjŏh ôh.

Ya dŏ lăn čar drei ngă kơ drei ? Lăn čar drei jing klei hdĭp drei. Drei bi yuôm anôk lăn anăn anôk anăn Aê Diê, ñu brei kơ drei. Ƀiădah Yuăn mă kuan dôk hě. Ơ phung ayŏng adei amei adei Đêga mniê êkei alum đăm mâo klei hŭi ôh. Aê Diê ba hriê drei ti anei. Aê Diê mâo hdră kơ drei ngă sa klei yuôm krơ̆ng pioh Djuê ana Đêga drei leh anăn krơ̆ng pioh jih jang mnơ̆ng htơ̆ng Aê Diê hrih mjing hlăm lăn ala Ðêga.

Drei mnuih Đêga êpa mhao kơ klei êngiê. Drei tông nanao boh ƀăng Amerik tơl Amerik pŏk boh ƀăng kơ drei. Drei mnuih Ðêga khăp kơ Amerik msě si drei khăp kơ găp Djuê drei pô. Drei mâo anôk kơ Amerik hlăm êlam ai-tiê drei. Drei akâo Knŭk-Kna Amerik krơ̆ng đru leh anăn dŏ đru. Drei mâo sa klei êpei Knŭk-Kna Amerik srăng krơ̆ng pioh leh anăn bi mtlaih drei.

Drei srăng dưi hŏng Yuăn kyuadah Yuăn mâo ngă klei jhat phĭ bi mdjê mnuih bi rai mnuih jih dua m'mông bi mblah ngă ăt msě mơh m'mông êđăp ênang. Klei jhat ngă Knŭk-Kna Yuăn bi mdjiê mnuih ƀuh klă mngač dôk ti gŭ Klei Bhiăn kƀŭt Čar Hgŭm.

Drei mnuih Ðêga amâo mâo kphưi lui ôh kyuadah asăp ur Đêga drei ktang hǐn, ktang hǐn leh anăn ktang hǐn kơ boh ƀom Yuăn. Drei mnuih Ðêga srăng dưi klei mblah anei kyuadah lăn čar drei, kmrơ̆ng dhông lăn ala drei, pưk sang drei, lăn drei leh anăn anôk drei hdĭp hlŏng lar. Aê Diê dôk mbĭt hŏng Đêga hlŏng lar.

Aê Diê dôk mbĭt jih dua djuê ana Amerik leh anăn Ðêga.

Pô C̆ih: Y Duen Ƀuôn Dăp

Thứ Hai, 7 tháng 10, 2019

INTERNATIONAL DEGA CHURCH.IDC

International Dega church

Srăng bra hiu tar bar ala dap kngư bi lar Kơ bruă sang Aê Diê knŏng kơ djuê Ana Đêga pô.

Sang Aê Diê International Dega church amâo mâo dôk ti gŭ klei gĭt gai phung Yuăn ôh.

International Dega church dôk mă bruă mbĭt hŏng phung sang Aê Diê International convention North Carolina Baptist, mbĭt hŏng Open Doors USA, mbit hŏng United States High Commissioner on Religious Freedom.

LOGO SANG AÊ DIÊ ĐÊGA -INTERNSTIONAL DEGA CHURCH.IDC

Đăng ký

Thứ Hai, 28 tháng 10, 2019

TÌNH HÌNH ANH Y JON AYUN TỴ NẠN THAILAND TẠM THỜI ĐƯỢC BÌNH PHỤC NHƯNG VẪN PHẢI THEO DÕI

Thứ Sáu, 11 tháng 10, 2019

KLEI YĂL DLIÊ KƠ Y ĐÊ HŎNG Y GA

Thứ Năm, 10 tháng 10, 2019

SANG AÊ DIÊ ANAK ĐÊGA -INTERNATIONAL DEGA CHURCH

Thứ Tư, 9 tháng 10, 2019

HRUÊ KƠ ANAK ĐÊGA

Thứ Hai, 7 tháng 10, 2019

INTERNATIONAL DEGA CHURCH.IDC

TÌNH HÌNH ANH Y JON AYUN TỴ NẠN THAILAND TẠM THỜI ĐƯỢC BÌNH PHỤC NHƯNG VẪN PHẢI THEO DÕI